Ronyy2's Dagbog, 15 jul 23

جربى كل نظام يومين وشوفى المناسب ليكى ولجسمك لان كل شخص بيختلف عن التانى في طبيعة الجسم والظروف جربى الصيام المتقطع لو ارتحتى ليه كملى  

بصي الصيام المتقطع حلو اوى بمعنى الساعة ٧ هنوقف اكل تانى يزم الصبح الساعة ٨ هتفطري بروتين عظيم وسلطة وقليل نشوى يعنى اتنين بيض وسلطة ونص رغيف بلدي او جبنة وسلطة وتوست او فول وبيض وسلطة ونص رغيف بلدي هتستني تلات ساعات وتاخدى سناك علبة زبادى واى ثمرة فاكهة وشوية لب او ترمس ونسكافيه طبعا مش تلاته فى واحد خااالص ده امنعيه نسكافيه كلاسيك مع كوباية حليب هنقلل سكر ابيض أقصى حاجه تلات معالق فى اليوم بشكل مبدئي الغدا خليه على ٤ بروتين سلطة نشويات قليل ولو احتاجتي عشا على ٦ خدى بيض او جبنة او زبادي مع ثمرة فاكه نشويات لا يبقى هنبدء يومنا ببروتين قوي وسلطة وقليل اوى نشويات مش هنبدء او نختم اليوم بسكريات خاااالص هنشرب ماية لأنها هتساعدك تتخلصي من شعور الجوع الوهمي السلطة ثم السلطة ثم السلطة بدل المقلي هناخد مشوي او على الجريل او مسلوق كلي اكل البيت العادي لكن هنقلل كميات ونزود بروتين وسلطة وبالتوفيق من ضمن السناكات الحلوة اللب كبشة يد الترمس المكسرات الفشار فلامنكو  

مع الالتزام اسبوعين وزودى ساعات الصيام بدل ماهى ١٣ ساعة خليها ١٤ يعنى نوقف اكل ٧ بليل نفطر تاني يوم ٩ ومتنسيش شرب الماية والسلطة علشان مذاكرتك ونظمي نومك قدر المستطاع