مودة ...'s Dagbog, 04 aug 23

ورغم عدم النوم الا انى سعيدة جدا وحرفيا عيوني بتطلع قلوب علشان بقالى كتير اوى مقرئتش حاجه لايت وحلوة اوى كده 😍😍😍😍😍 

روايه ايه🫣 

لا انتى تركزي فى دروسك لما تيجي الإجازة ابقى اقولك ياقمر بس اللى اقدر اقوله ان نص سعادتي بسبب ان الرواية ورقي من pdf والنص التاني انها رواية قمر قمر قمر  

مش pdf 

صباح النور بألف هنا علي قلبك ♥♥♥ 

ساندى ياحببتى متركزيش في روايات أفضل حاجه لعمرك حفظ القرآن او قرآته وديما خالى في ورد كل يوم قبل ما تخرجى لو هتحملى المصحف علي الفون وتقرأى لو صفحه وداومى على الأذكار هتحفظك من كل حاجه لحد لما ترجعى البيت وكمان ربنا دايما هيوفقك في جميع امورك وفي الأجازه هتروحى كل جمعه اى مكتبه تقدرى تستعيرى كتب خاصه بقصص الأنبياء وحياتهم كانت ازاى والصحابه بجد هتعيشى مع جو جميل وهتاخدى من أخلاقهم انا بابا الله يرحمه كان بيختارى بنفسه الكتب دى كل اسبوع قصه مختلفه وكان دايما ياخدنى معاه المكتبه كان بيكون أجمل يوم في حياتى لانى هعرف وهتعلم حاجه جديده وكان لما أخلص يسألنى علشان يتأكد انا وصلنى اى او اى اللى فهمته 

انا بحب القرايه جدا كتب وروايات وبقرأ في الدراسه كمان🫣 

انا الحمد لله بحفظ القرآن بس الكتب دي حاجه تانيه يا ميرو كفايه ريحه الورق 

براحة بس انتو فهمتو الرواية يعنى ايه دى رواية مفيش فيها اى خطأ شرعي ياجماعة انتو اكيد فاهمين غلط ومفيش مشكلة من التنوع فى القرائة طالما لا يوجد خطأ شرعي ساندى طبعا انتى الفترة دى مذاكرتك اهم من كل حاجه 

حبيبتي ياساندى قلبي انتى انا كمان كان بقالى كتيير اوى ملاقيتش حاجه ورقي كله pdf فانى امسك الرواية بأيدي والمس الورق دى سعادة لوحدها  

طيب🙂🙂 

انا بحب كتب الفانتازيا والجريمه والخيال العلمي كده يعني ف مش بيبقا فيها حاجه  

سلسة ملف المستقبل بتاعت د. احمد خالد توفيق الله يرحمه ذكريات والله 🫶🫶🫶 

وروايات اجاثا كريستي رغم أنها كانت بالنسبة لى مرعبة اوى بس بحبها حاليا ببعد عن اى حاجه تقلقني فبقرأ رواية اجتماعي كوميدي لطيفة 

مقصدش طبعا خطأ شرعى خالص دايما الانسان بيتأثر بكل حاجه حتى في اللى قرأه او شافه او سمعه فاانتى هتاخدى من اللى بتقرأيه وهتتأثرى ومينفعش اللى بتقوليه خالص وكل واحد حر بس التمست انك أختى وحبيت اقدملك حاجه اتعلمتها وفادتنى كتير في حياتى العمليه اقرأى عن العلم مش الخيال  

اكيد معاكي حق يا حبيبتي احنا منقدرش نعيش منغير نصايحك ياقمر انا بس خوفت تفهمو كلامى غلط فحبيت اصحح  

غلط اى ومتقدريش تعيشى انتى فوق دماغى وطبعا تقرأى براحتك أى حاجه لانك عقلك مكتمل وهتقدرى متتأثريش بأى حاجه هتاخدى بس اللى قريب من قلبك وهتستمتعى بالقراءه وبس لكن ساندى في مرحلة تكوين الفكر علشان تكون ايجابيه وتفكيرها مفيهوش انحراف فكرى متفهميش غلط بس انتى شاطره وهتفهمى فأخاف عليها من اللى هى بتقوله ده فكلامى موجه ليها بالأخص لان الإنسان تفكيره عميق جداً وبيوصل لحاجات ممكن تدمره نفسيا او عقليا لازم حدود في اللى بتقرأه مش أى حاجه وسلام لعقل كمان له سن يعنى تفكير الطفل غير المراهق غير اللى اكتمل نضوجه  

ايوه فاهماكي يا جميل 💗 

اكيد ياحبيبتي وبجد ياساندي حاليا ركزي اكتر حاجه على المذاكرة والكتب اللى تحفزك وتفهمك على إدارة وقتك والاستفادة منه قدر الإمكان لأنك محتاجه ده حاليا اكتر حاجه 

بالف هنا 🌹 صباح الفل يااااا روايه مجتش من ليله سهرتيها طالما حاجه حسنت نفسيتك وفرحتك وظبطي نومك بعد كده بالتوفيق