mohamedk89's Dagbog, 01 sep 22

بص مبدئيا الدايت الصح هو النظام الصحي اللي تقدر تمشي عليه طول عمرك بدون تعب . انصحك انك تعمل دايت بريك لمدة اسبوع بمعني انك اسبوع كامل تاخد سعرات ثبات وزنك من طعام صحي 1.6ل2.2 جرام بروتين لكل كيلو جرام من وزنك جسمك _ وزن الدهون يعني لو وزنك مثلا ١٠٠ كيلو ونسبة دهونك 25% اصبح وزنك بدون دهون 75 تضرب الرقم ده*2 مثلا ده عدد جرامات البروتين اللي جسمك محتاجها . باقي السعرات من الكربوهيدرات المعقدة و الدهون .. بعد الاسبوع بتاع الدايت بريك هتعمل دايت متوازن جدا بحيث تعمل عجز ميتعداش ال500 سعر حراري يعني ممكن تعمل عجز300 بحيث وزنك ينزل كيلو وربع شهريا في الحالة دي هتنزل في مدة اطول لاكن مرتاح جدا . الوزن الذايد حضرتك اكتسبته خلال سنوات طويلة مينفعش تخسره في وقت قليل جدا لان ده هيأثر علي صحتك العامة وفي اقرب فرصة هتبوظ فيها الدايت هتلاقي رجعت لنقطة الصفر تاني بسرعة 

في حاجه غلط بنظامك مش مناسبه طبيعه التغيرات بعد فقدان كمية الوزن السابقه انظمة اللوكارب بتعمل كده في البدايه لكن بتتحسن تدريجي مع ضبط الاملاح في خلل في كمية الاملاح الصوديوم والبوتاسيوم طالما استبعدت الخلل المرضي وعملت تحاليل واظب على المحلول التعويضي (ماء+ليمون+خل تفاح عضوي +ملح هيمالايا او بحري او دكتور سولت) طبعا لو معدتك فيها مشاكل راجع طبيبك اولا كتر الورقيات والعناصر الطبيعيه احيانا المكملات الخارجيه الجسم مبيستفدش منها ومبيعملش امتصاص جيد ليها راجع الطبيب يغيرلك النوعيات  

انا بقالي شهرين موقف كل حاجه تماما و باكل كل حاجه نظام غذائي متكامل النبض اغلب الوقت ضعيف ٦٠ او ٦٥ الايكو سليم تحاليل مظبوطه . . انا كنت اتعرضت لصدمة نفسيه قبل ظهور الاعراض و مش عارف اذا كان ممكن يكون ده السبب .. انا كل الي اعرفه اني واقف مغلول الايد عايز اكمل و مش قادر حاسس بضعف عام  

الف سلامة. ان شاء الله تبقى كويس على طول. انا مع listen to your body. يعنى متفكرش في الدايت دلوقتى ،بس مش لازم تاكل اكل مش مهم كنت خلاص اتعودت انه مش في نظامك!! يعنى كل اكل مهم فيه كاربس معقدة و بروتين و دهون ،فاكهة. مش لازم تلتزم قوي باي كمية. المهم انك تكون شبعان. و مش لازم صيام متقطع برضوو. كل لما احس انك جعان. و دخل سناكس مكسرات/فاكهة. متبعدش بس عن الاكل الصحى اهم حاجة. لغاية ما صحتك تبقى احسن. هيبقى سهل بعديها ترجع تانى لنظامك/صيام متقطع/…خلافه. بس مهم دلوقتى تاخد وقت مستقطع. و تسمع لجسمك. اكيد طالما دايخ و مش مظبوط في حاجة ناقصة. فكر قي تنويع مصادر اكلك. ورقيات و بروتين و دهون. ان شاء الله تبقى كويس على طول. 

وقف الرجيم و ارجع كل عادي و كل فاكهة و بروتين كتير لتعويض الجسم و اي مكمل غذائي يكون ممتاز علشان مش تدخل في مرحلة انيميا حادة و ده له تأثير سلبي علي كل أجهزة الجسم 

فى الغالب طالما ماشاء الله كل حاجه عندك سليمه يبقي الموضوع نفسي .. وبالنسبه للدايت .. لو انت بتاكل اكل صحى ومش حارم جسمك من حاجه يبقي تعبك مالوش علاقة بالدايت ... اعتقد الموضوع عندك نفسي .. هقولك ع حاجه سمعتها من دكتور وجربتها لما كنت بعانى من نوبات الهلع وضربات قلبي مكانتش منتظمة وطبعا كان عندى ضيق تنفس باستمرار .. المهم جرب الطريقة دى يمكن تنفع معاك وهى مش هتاخد منك اكتر من دقيقتين .. الطريقة هى انك تطمن نفسك .. لو الموضوع عندك نفسي يبقي انت محتاج تطمن نفسك الخايفه والقلقانه .. يعنى مثلا .. كل ماتحس بالتعب .. قول لنفسك بصوت عالى ومسموع .. انا كويس .. انا بخير .. انا مش تعبان .. انا راضي بقضاء الله .. وافضل كرر الجمل دى كتير . لو لقيت نفسك هديت وضربات قلبك انتظمت او ع الاقل التعب قل شويه .. يبقي انت فعلا بتعانى من مشكله نفسيه .. وبالتالى لازم تطمن نفسك باستمرار لغايه ماتقدر تسيطر ع الحالة دى .. وبالنسبه للدايت .. اوعى تكون بتحرم نفسك من العناصر الغذائية .. او بتعمل عجز كبير ف السعرات .. خلى بالك دة من ضمن اسباب الهبوط والتعب .. بتمنى من قلبي ليك الشفاء العاجل  

طيب ما لو الموضوع نفسي يبقى متركزش في الدايت دلوقتي و ركز في تحسين حالتك النفسية. يعني أتعرف على أصحاب جدد ، اطلع رحلات، أعمل فورمة جديدة في شكلك و ستايلك.. اي حاجة تحسن من نفسيتك و ان شاء الله حالتك الجسمانية تتحسن تباعا  

قبل اي حاجه استعين بالله ولو مش منتظم في صلاتك انتظم علشان ربنا يفك ضيقك ان شاء الله حضرتك رحت لدكتور ايه. ؟ ممكن تجرب دكتور نفسي علشان لو عندك مشاكل ، لأنك بتقول انك تعرضت لصدمة نفسيه . وبخصوص انك ثابت في الميزان : فانا اعرف ان رجيم البيض بيعالج ثبات الوزن وكده ، ولكن معرفش هيفيد في حالتك ولا لا ؛ لان السبب مش واضح . 

جيب اوميجا 3 من اي صيدليه وخد منها حبيتين يوميا والهبوط اللي عندك هيروح 

الصدمة النفسيه كانت وفاة والدي الله يرحمه و الاعراض بدأت بعدها بيومين تلاته مع ان بقالي سنة في موضوع الدايت و مكنتش بحس بأي حاجه .. و بالنسبة للدكتور هو دكتور امراض باطنيه و فنفس الوقت تغذيه اسمه اسامة رتيب في عين شمس .. و كمان قبل ما اروحله روحت لكذا حد و مافيش فايده لسه تعبان ..  

خلى بالك الفيتامينات ليها أوقات معينة مش فى اى وقت وفى فيتامينات لازم تاخد أثناء الأكل وكمان الأكل يكون فيه نسبة دهون غير كده انت كأنك مبتاخدش حاجة كمان الصيام المتقطع خلية أوقات ١٤ ساعة وعلى البداية من قرب النوم علشان متحسش بالتعب 

شفاك الله وعافاك اعمل صورة دم كاملة وارد جدا يكون نقص همجلوبين او عموما الصفائح الدموية حصلها خلل وقت اتباع النظام وقف خالص الانظمة دي وامشي عادي علي اكل صحي فطار غدا عشا لحد ماتروح تعمل التحاليل ان شاء الله تبقي احسن  

صديقي متقطعش كارب او ملح ده اولا لو بتعمل كدا ف الدايت بتاعك ثانيا ذود برواتين والكارب يبقي علي قد وكل كل يوم فاكهة ولو فضل الموضوع كدا خف نشاطك ف اليوم وكمل علي نفس الدايت وخلي بالك علي اول حاجة قولتها فوق وربنا يوفقك ي بطل متقلقش 

الدكتور طلب مني استمر على المكملات و كتبلي اوكسيتروبيل و بيتاسيرك عشان الدوخه و قال هيساعدو الاكسجين يوصل للمخ .. و انا خايف اخدهم لأن ليهم تأثير موسع للشرايين و خايف يجيلي هبوط لو اخدتهم لو في حد يقدر يفتيني 

5000 من فيتامين د!!! نسبه الفيتامين عندك كام علشان تاخد 5000فاليوم دا غلط لو النسبه مش قليله اوي 

حسب vit d نسبته كام ، بيأثر جااامد للاسف على النفسيه و النوم و النشاط و تساقط الشعر و الحرق بيقل حسب نسبته هتراجع دكتور باطنه و هيكتبلك جرعه مضبوطه لان ٥٠٠٠ دي جرعه مكملات مش علاجيه يعني دكتوري بيديني حقن ٦٠٠٠٠٠ وحده كل اسبوعين و هي دي الوحيده ال رفعت نسبه الفيتامين . ف شوف دكتور اكيد  

نسبة فيتامين د عندي ١٢ و الطبيعي مفروض اكون ٣٠  

انا هتجنن و ارجع التزم بالدايت تاني بس مجرد ما ببدأ يوم واحد حتى لو تقليل سعرات خفيف برجع ادوخ انا نفسيا تعبت خلاص بقيت انام عشان اهرب من التفكير و التعب